DAVID LAWRENCE JR.

David Lawrence Jr. pran retrèt li an 1999 pandan li tap travay kòm moun ki te anchaj pibliye jounal Miami Herald, pou l al travay nan domèn devlopman ak preparasyon timoun. Se li ki prezidan fondasyon « The Early Childhood Initiative Foundation” ak “University Scholar for Early Childhood Development and Readiness” nan Inivèsite Florida. An 2002 li mennen yon kanpay ki te byen reyisi pou tabli fon ki rele « The Children’s Trust”. Se yon fon espesyal ki tabli pou ede devlopman timoun piti nan Miami-Dade; se li ki dirije Òganizasyon sa a kounye a. Gouvènè Jeb Bush te nonmen li pou l dirije komisyon Patenarya Eta Florid pou Prepare timoun pou lekòl (Florida Partnership for School Readiness). Li dirije komisyon sa a pandan 2 tèm. Li se manm Fondasyon pou devlopman timoun nan Nouyòk (Foundation for Child Development in New York) ak (High/Scope Educational Research Foundation) nan Ypsilanti, Mich. An 2002- 2003 li te dirije komisyon Gouvènè a (Governor’s Blue Ribbon Panel ) sou kesyon Pwoteksyon timoun. Nan ane 2002, li te yon manm kle ki ede yo pase yon amannman konstitisyonèl nan tout Eta Florid la ki ap mete bon jan gadri sou pye pou tout timoun ki gen 4 an nan kòmansman ane lekòl 2005 lan. Li travay tou kòm manm Konsèy UPK a ( UPK Advisory Council ) ki te fè kèk rekòmandasyon bay Komisyon Depatman Edikasyon nan Eta Florid la ak Lejislati a. Byen bonè nan ane 2003 a, Gouvènè a te nonmen l kòm « asistan espesyal li pou jan UPK mache » pou ede yo tabli bon jan kalite pwogram nan Florida. Li se yon komisyon Kowalisyon ki ede prepare timoun pou yo antre lekòl nan Miami-Dade "Miami-Dade School Readiness Coalition” epi li se yon ansyen dirijan komisyon sa a.

Avan li te vin Miami an 1989, se li ki te anchaj fè pibliye jounal Detroit Free Press epi se li ki te editè egzekitif jounal sa a. Li te al travay nan jounal Free Press la an 1978 apre li te fin kite travay li kòm editè nan jounal « Charlotte Observer ». An 1971, li vin travay pou jounal Knight yo ki pi koni kounye a sou non (Knight Ridder). (Pandan li ki te anchaj pibliye Jounal Miami Herald la, jounal la genyen prim “Pulitzer” a 5 fwa.)

Li diplome nan Inivèsite Florid epi yo te nonmen li « Etidyan Jounalis Esepsyonèl ». Li te diplome nan pwogram Administrasyon Avanse nan Inivèsite Harvard an 1983. An 1988, li te resevwa pi gwo meday Knight-Ridder ka bay, Meday d Ò John S. Knight la. Li gen 10 diplòm inivèsite yo ba li pou onore li, youn ladan yo se inivèsite kote li te lekòl la ki ba li l, “University of Florida”. Nan onè yo fè li sou plan nasyonal li resevwa gwo onè Ida B, Wells « pou bon egzanp li trase kòm lidè nan jan li bay moun ki nan minorite a travay » ak onè Asosiyasyon Nasyonal Egzekitif ki manm Minorite a ( National Association of Minority Media Executives) “pou sa li akonpli nan vi li pou jan li travay ak tout kalite moun." Men kèk nan prim li resevwa yo: Prim pou premye amannman nan men Fondasyon « Scripps Howard Foundation” ak prim “Inter American Press Association Commentary Award”. Li te dirije Gwoup ki te travay sou kesyon Moun ki nan minorite a nan Bisnis Jounal la 2 fwa. Se li ki te prezidan gwoup Sosyete Ameriken Editè jounal la an 1991-1992 epi se li ki te prezidan Asosiyasyon Laprès Ameriken an 1995-1996.

Men nan ki komisyon li patisipe. Li te dirije komisyon Mize d A Miami an « Miami Art Museum » , ak komisyon NCCJ ak komisyon “University of Florida Foundation” ak komisyon lekòl « New World School of the Arts” ( Se li ki k ap dirije komisyon sa a toujou). Se li ki te dirije komisyon « Readiness Committee » a, pandan li te manm Komisyon Gouvènè a sou afè edikasyon. Se li ki te Asistan dirijan Somè Amerika ( Summit of the Americas) an 1994, nan zòn lokal la. Li ede fonde yon lekòl metye teknik nan Pòtoprens, Ayiti. Se yon lekòl ki pa la pou l fè lajan.

Li menm ak madanm li Roberta, ki ap travay sou metriz li kòm travayè sosyal nan Barry University, yo tou de abite nan vil Coral Gables epi yo gen 3 pitit fi ak 2 pitit gason. Men kèk lòt aktivite yo onore li pou yo : Sèvis ki konseye fanmi (Family Counseling Services) ba li onè « Fanmi egzanplè pou ane a », Konsèy pou jou fètdèpè ( South Florida Father’s Day Council) ba li onè “Papa espesyal pou ane a” Li resevwa onè sa a tou nan men Òganizasyon sa yo: Children’s Week Chiles Advocacy Award, the Public Policy Award of the Early Childhood Association of Florida. An 2003 yo te onore li nan Inivèsite Barry (Barry University) nan pwogram Espwa pou timoun yo epi pou prim ki rele Fowòm Prezidan lekòl la pou timoun nan Eta Florid ( Florida Children’s Forum President’s Award) Sou plan nasyonal yo te onore li ak prim Asosiyasyon Ameriken nan travay Sante Piblik ak prim pou bon travay ak timoun piti ak jèn moun (American Public Health Association Award of Excellence and the Lewis Hine Award for Children and Youth).